HUJAN AING BANDUNG

Bah, udah tiba masanya ku kan becerita pasal kejadian kemarin...time kan besungkai di rumah... aku yang membuat spoil...ceritanya macam ani...

Jam atu udah menunjukkan pukul 5.45ptg and baru tah ku sibuk kan mengaut nasi lamak ke pinggan...aku atu masak nasi lamak ganya kemarin atu...nyangku awal lakat eh kan mengaut ke pinggan ani...ku tunggu tah jam 5.45 baru tah ku capi-capi kan merusahkan...semuanya 10 pinggan lagi tu kan dikaut atu...tau lagi nasi lamak...bukan nasinya ganya kan dikaut...sambalnya lagi...timunnya lagi...telurnya lagi...inda tau pulang jam ani laju giller...inda batah bah jam ah tau-tau dalam ku merusahkan atu inda tah lagi batah kan sungkai...my nephew ani lagi..."ngah...! 3 minit lagi kan baduk! Lakas...!"

"Apa?! 3 minit...bah tunggu dulu..." Awu...mulut tunggu tapi inda manang tangan...my sis tulung pulang tapi sibuk jua ia meluahkan minuman dari dalam icebox...yang lain-lainnya udah standby di meja makan nunggu kan sungkai...iski sudah kan besungkai ramai-ramai...meja ani lagi panuh dengan juadah...awu...kali ani tah ia...sekali sekala besungkai ramai-ramai with my sis and her childs...siuk jua.."Eh! awah aing bandungku lagi dalam icebox!!!". Tiba-tiba saja ku teringat kan minuman aing bandungku di icebox ani...so...udah kamas ku mengaut nasi ku hantar ke dinning then laju-laju ku ke dapur balik... konon kan menggambil aing bandung ani...Eh! sikit ganya bagas my anak buahku yang damit ani minum...then...ku tambahi tah lagi sibuk-sibuk.

Udah atu gagas tah ku masuk ke dalam membawa aing bandung ani sejug lagi tu..keadaan lagi masa atu mcm riuh randah bah...bukan pulang pasal riuh randah apa...volume radio yang bacau-bacau bunyinya dangan iklan sana iklan sini atu...biasa tu kan time kan baduk atu...bah get ready tah ni konon kan sungkai...aing bandung di tanganku ani kan ku landingkan tah ni ke dulang yang sudah smart ampai-ampai di tangan-tangah meja.

Tapi inda disangka-sangka...inda ada angin inda ada ribut "gadabushhhh....!" hujan labat menyimbah meja! abis! abis meja basah ulihku...anak buahku yang dua orang ani pun basah ulihku jua...tarus bah durang bekeliaran pasal takana simbahan aing bandungku...kesian durang...!. Awu, ujan aing bandung eh!!!. Bisai lagi tumpahnya atu...meriah bah...macam bunga api yang memancut-mancut...inda ku...inda semana-mana bah talapas dari tangan ku...aku atu migang arah tudungnya tau-tau tudungnya telapas then tehampas tia jug ah arah juadah-juadah yang sudah sedia kan dimakan durang ah...

Adui!!! spoil banar aku atu...baru jua my sis ani kan besungkai sama-sama kemarin...konon kan bisai tah ni...tapi akhirnya kacau bilau jua...then...baduk pun kedangaran..aku...my..sis 3 orang ani sibuk-sibuk tah pulang melap meja and ada lagi bawah-bawah meja tu tumpahnya...di dinding apa merancit... "Bah eh..adang tah dulu melap atu...sungkai tah dulu..." Mamaku besuara agak lantang jua..."Awu...agatah kamu sungkai dulu...aku saja melap..." Nyangku lagi...aku inda puasa pulang kemarin...cuti-cuti wanita.

Dengan perasaan yang sedikit kecewa ku teruskan tia melap barang bawah meja apa...kesian durang inda selesa menjamu juadah...antah kenapa ulahku kemarin miatu kejadiannya...kan katakan lamah inda jua puasa...kan katakan angau inda jua ada kan diangaukan...antah...udah ditakdirkan kali kejadian atu kan berlaku kemarin...antah! hatiku jua tegarak bah kan membali aing bandung di kadai kemarin atu...sabab atu tah karih-karih kekadai membali rupanya kan menyimbah orang sungkai....Eheheh...!

Nasib baik juadah-juadah atu ku simpan dalam bakas yang batudung...ganya separuh sampat ku buka and yang balum ku buka atu selamat dari hujan aing bandung...yang udah ku buka atu awu...jadi bakuah pulang ulihnya...ping lagi kuahnya tu...!!! inda pulang bemakan...!.

To my sis...sorry ah pasal kejadian kemarin atu...udah takdir...aku pun inda jua mau kejadian atu berlaku...iatah tu nah...barabut lagi bakaraja...nah apa jadinya...jam ani jua macam penyeluru...kajap laju ia kajap lambat ia...lain kali buat lagi Alia...!. Kau atu tebilang jua udah di rumah bakaraja smart-smart...inda dapat bajabih sikit meja...udah riuh...ani...kemarin bukan saja bejabih...lacah...!.

Awu...cali jua kemarin atu...jarih pulang ku kana ketawakan durang...biar tia kan ku jadikan kenangan di bulan puasa akan datang...kan ku jadikan ikhtibar jua...