Esok pengumuman anak bulan syawal...jadinya kalau nampak ketani kan beraya hari rabu ani...tapinya kalau inda nampak hari khamis tah ketani mula beraya tu..banar inda? Hehe...semangat sudah kan beraya ani...bukannya apa ah...nya orang sementara badan masih sihat ani baik tah hargai kedatangan bulan syawal atu...mun sudah uzur karang awu payah jua kan beraya...bukan jua kan mendoakan tapi yang banarnya jua tu...setiap yang sihat akan ditimpa sakit dan yang sakit atu pasti akan sembuh tu kalau dangan keizinan-Nya jua...banar inda? Eh! berapa kali banar da...
Melarat tia pulang kurapakku ani...iatah makanya ku malas kan bekunyanyang pakai bahasa ibunda ketani ani...melarat-larat tia bah...awu! Mun bejalan ke Miri pun balum tau kan abis kali kunyanyang ah..bakunyang tah ganya...hehe kalau kan mau maliat mulutku ani sanyap tunggu tia timeku moody atau timeku marah-marah atau timeku menyamal bah diam tah ku tu...payah kan mendangar suara amasku tu ah...muahaha...macam banar!
Bah eh! Aku ani inda pulang ada kan dikurapakkan ni actually...ganya aku atu kan membagi tau yang kelamarin atu inda ku ta update my blog wah...sibuk kali ah...dari pagi rehat kajap waktu sungkai and then sambung lagi lapas atu sampai tah kul 12.30 am baru tah ku kamas berusah di rumahku ah...baik jua kami di rumah ani ada sikap ringan tulang and saling bantu membantu...mun inda...awu inda mau kamas kali parusahan di rumah ah...kan hari raya ani lagi macam-macam tah kan dibersihkan...segala-galanya kan dibersihkan...adeh! melarat karang dang siti...baik barinut...
Bah...nanti tah lagi ku blogging...dalam 2 hari ani sibuk saja kali ku ah...kami lagi time hari raya pertama ani membaca tahlil di rumah and lapas atu tarus tah open house tu...tiap-tiap tahun tah kami miatu tu start mulah bapaku meninggal udah...adui! sebak tah ku udah...iatahku malas ni kan menganang...meluah tia aing mata...
Okey tah ah...nantiku upload some picture if
ku blogging with pc ah...ani using hp ani inda dapat ulihku bah mengupload picture...bakunyang ganya bulih...hehe...
Bah...Selamat berpuasa semua...awu baik tah abiskan puasa dulu baru beraya...kalau siapa inda full puasanya atu jangan lupa bayar...ok!
Jika airmata menjadi petanda atas kesedihan yang kita alami, kenapa senyuman tidak bisa menjadi petanda bahawa kita sebenarnya kuat menyingkir duka?
No comments:
Post a Comment