Kisahnya macam ani...tadi pagi aku atu mendangani my sis and my mom membayar bil air di Bandar...Tapi aku jua yang naik membayar...durang dalam kereta saja...biasalah macam atu tapi my mom yang keluar duit membayar...hehe...Lapas atu minta bawa tah ku arah my sis ke SPA di Airport Lama kan mengantar borong SPA...betanun betanun jua...apply keraja apply keraja jua...at least kalau dapat keraja kerajaan dapat jua gaji tiap bulan...nya orang tejamin jua masa depan kan...sambil-sambil atu perniagaanku atu tatap jua ku jalankan..jadinya dapat jua menimbal-nimbal kalau sudah kapih kapihan...banar inda?. Tapi kalau dapat jua karaja yang ku apply atu...kalau inda dapat...sampai ketuha tah ku menjadi tukang tanun tu...atu pun kalau masih kuat jua...kalau sudah tuha...balum tahu kan tebala...hehe...
Ngalih jua menulis borang atu antadi...apa inda sudah borang spa2 yang baru ani banyak tia kan diisi...dulu walau 2 ke 3 jawatan yang di apply tatap jua mengisi satu borang saja...ani borang spa 2 yang baru ani sekaping-sekaping bah kan diisi...kalau 5 jawatan yang diapply...5 buting borang jua yang mesti diisi...atu ngalih banar tu...kesian my sis and my mom dalam kereta menunggu...batah kali ah...
Lapas atu...menabak tah kami ke Seri Balai Restaurant di Delima Satu mengasak parut...my sis andangnya ingin banar makan tumpi di sana atu...iatah yang kan diaganya tu...my mom jua inda kurang tu ice lemon teanya atu...tapi tadi atu lapar banar ia eh...tarus ia mengoder nasi goreng seafood...aku...antadi atu malas ku kan makan...kan mengoder mee takut inda abis!. Kanyang ku antadi atu jua...akhirnya memilih tah ku saja mee yang ada arah warmer sudah atu...tapi sajuk...inda tah jua nyaman!!!
Time kan balik...dengan inda disangka-sangka...ada tia satu kelibat yang macam pernah ku liat jua...eh! my best friend!. Wah!!! bukan main damitnya Brunei ani ah!...my best friend yang selama ani ku cari-cari sudah ada dapan mataku...lama sudah bah inda bajumpa kedia...Ada kali sudah 4 ke 5 tahun kami inda contact-contact...lapasnya kahwin jua tu...kenapa ah...kalau sudah orang kahwin ani...payah tia kan dicontact...sudah ikut arah husband atu...inda tia kedangaran khabar...jangan jua macam atu deh!...kesian tah kan kami-kami yang masih singgle minggle ani...
Apalagi antadi atu...macam orang baru turun haji bah...batah inda bajumpa atu...ada sesi berpaluk-palukkan tarus...my best friend jua lagi...ia atu tah lagi andang terlalu emosi...hehe...jangan marah kawan!..riuh bah sekitar restoran ah dangan suaranya yang yang andangnya suka ketawa atu...andang peramah banar my best friend atu...sampai my mom pun dipaluknya...
Apa yang ku terharu antadi atu time ia mengenalkan anak lelakinya arah kami...cute bah anaknya atu...ku tanya namanya diam saja ia...pemalu usulnya...sampat jua ku mencium anaknya ah...iatah kan menangis jua ku antadi atu...bukan pasal apa...my best friend atu dulu sama kediaku memang rapat banar...kami memang serasi tu bila bekawan...loker pun kami share...time betanun kami duduk bersebelahan tu...bekaraja sambil becerita tu keraja kami...tapi jadi pelajar terbaik jua kami...aku no 1 kedia no 2...tapi inda jua jauh bah jaraknya kami dua atu...malas kan bercertia labih-labih bah...karang terlebih sudah!!!hehe...
Iatah...time dulu-dulu atu dalam tahun 1997- 2000 atu...memang best gillerr!! kami memang sekepala...tapi selalu jua dingin...tapi kajap ganya...lapas atu okey balik...nya orang...macam adi beradiku jua sudah kedia atu...sama my sis pun kedia rapat...manja giller tu kedia arah my sis...ani time ani kedia sudah tadapat husband ani macam jauh sudah...inda lagi kami serapat dulu...husbandnya atu pemalu jua usulnya antadi atu...diam ia saja...durang makan satu family...her husband's family...sagan jua kan menagur...
Lapas atu...tepaksa tah kami balik sebab kan menggambil my anak buah balik sekolah...kami tinggalkan tia durang menikmati makanan yang durang order atu...macam atu tah storynya pagi tadi....ngalih membaca? hehe...
Lama sudah inda bajumpa atu...awu! teruja jua bah kan begambar...inda tah paduli orang lain melihat...
Eh! sadang-sadang begambar atu Alia...muha pun inda tacontrol...kesian my best friend atu...setampik ganya muhanya menantang camera...payah bah tampat begambar atu...sampit hantap...sendiri lagi menakan tu...apa inda muhaku singit semacam saja...my sis tatap control ayu gitu...
Ani time my best friend balum ada...bagmbar daulu sementara menunggu order...my mom kesian...melihat tah ganya kan ulah anak-anak daranya yang giller bagambar! Maklum tah jua sakai pasal baru membali hp baru...nokia 3110 jer...!
No comments:
Post a Comment