YOU KNOW WHAT?

Pagi tadi aku atu mendangani my sis mengambil ubat my mom di Kelinik Kesihatan Muara. Awal tia jua kamasnya...kami atu kan tarus ngambil my bro's daughter balik sekolah...kelurusan tia jua bisdurang kana suruh balik awal tadi dalam pukul 11.15 pagi...tapi luah kami di Muara ani masih jua awal jam atu...baru jua pukul 10 pagi...then...sementara menunggu atu...jalan-jalan tah kami dulu membuang-buang masa...jadinya infront my anak buah punya sekolah ani kelurusan tah jua ada sebuah kedai furniture then kami pun singgah tah di sana sekajap tadi.

You know what?! Baru jua kami masuk ke dalam then aku taliat sales girl yang seorang ani...Eh! macam ku kenal saja orang ani...dalam hatiku becakap ani...sekali my sis pun taliat jua...my sis ani mengelala tia jua...Eh! awu...bukan yang bekeraja dangan ketani dulu ani kan..? ujahnya lagi...Awu..nyangku lagi kan...Jadinya...confirm tah ni iatah orangnya ni...tapi lupa kami udah namanya...manakan jua...masa atu sekajap ganya bah ia bekaraja dangan kami atu...inda jua sampai setahun.

So...dengan perasaan yang bebunga-bunga...ku tagur..."Kita yang bekaraja di Muara dulu anikah?". "Di Muara?. Keraja apa?". Jawabnya ku lagi..."keraja kilang!" kataku (inda jua ku malu ngakun yang kami dulu pernah keraja kilang kain kali ah). "Keraja kilang! Eh, inda ku pernah keraja di sana...sini ganya ku bekaraja. Batah udah ku bekaraja di sini ani...Ada jua sudah dalam pebalasan tahun...Jawabnya...Pebalasan tahun konon...setau kami kedai furniture atu daulunya balum jua ada...ani tia baru ada...barangkali baru jua dalam 7 ke 8 tahun barangkali...jangan inda mengaku tapi kan memutar belit cerita...jangan ingat orang palui!.

Eh! nya kami lagi..."Muka kita atu sama banar bah dangan kaka yang bekaraja dangan kami dulu atu..." Jangan tah kan muka...fizikalnya pun sama...apa lagi lengoknya becakap atu...sama banar nyanta...inda jua kan kambar siam!. Kalau kambar pun inda jua kan sampai semuanya sama...fizikalnya bulih kali sama tapi lengok cakapnya atu inda jua kan sama jua...awu! atu bukan lagi kambar siam tu...kambar rakat kali...hehe...jangan tah inda kan mengakun...macam ku inda pernah meliat orang kambar...yang ku kenal ada jua 3 ke 4 pasang kambar yang ku kenali tapi inda jua sama hantap!.

"Adi beradiku kali tu...muka kami andangnya sama..." Balasnya. "Kambarkah?" ku jawab lagi tu. Hehe...aku ani majal jua. "Inda eh...inda pulang kambar...tapi banyak orang maucap muka kami sama...imbas-imbas..." Kelentong lagi tu kedia ah...Eh, bah...mana saja tah kita eh...jawabku dalam hati..."Kita masih lagi di Muara?" tanyanya ku lagi tu..."Inda eh...berantiku sudah....nyangku lagi...batah udah..." Layan saja tia... "Di mana tah kita bekaaja masa ani?" Tanyanyaku lagi tu... "Batanun ku" Selamba saja ku menjawab... "Eh, baik jua sudah tu...bausin orang batanun ani..." Cakakinya ku lagi tu... "Bausin kalau rajin.." Awu, andanya keraja sendiri ani...kalau rajin bausin...kalau malas sikit kurang tai rezeki..." ujahnya lagi...

Eh, luan malas kan backap lagi...tarus tah kami bajalan ke dapan kan menuju pintu keluar...kan maliat barang-barang perabut adangnya lawa-lawa...tapi maliat price tagnya atu bah...membari kan memalak mata...tapi lawa...siuk jua mencuci mata sekali sekala atu...kalau belabih usin tah memborking...lawa-lawa beb!. yang ku tapakai apa nah?. Dinding anginnya lawa...harganya $138.00 4 daun...kalau 5 daun $158.00...lawa...!. Nanti tah...tapi sound-sound dulu arah bos! hehe...

Pengajarannya di sini...yang ku inda puas hatilah...kenapa orang menagur buat-buat inda tau saja...bukan aku tu lah...adi beradiku kali tulah....padahal confirm kedia sudah...inda jua kan mataku 2 biji ani salah penantangan...tambah lagi 2 biji mata my sis pun salah penantangan jua...adui!..kalau malu kan ngakun dulu pernah keraja kilang pun inda jua kan sampai miatu ka!. Ketani ani semua bersaudara...kalau orang menagur atu akun saja tah...bukannya ketani pernah keraja arah tempat inda senonoh...keraja haram...ketani dulu atu keraja halal jua kali ah... aku ngakun ku eh...aku pernah keraja arah kilang pakaian...mengapakan? inda jua kan membari malu...lagi banyak pengalaman ketani dapat di sana...aku rasa kan...enjoy banar bah ku keraja sana atu...ganya yang menyebabkan aku and my sis beranti pasal tangga gajinya yang kurang memuaskan...tapi kira okey ler jua sebab aku sana atu sampai jua 2 tahun...yang lain memang inda sampai setahun tarus beranti.

Okeylah...aku minta maaflah arah kita kalau kita tebaca tulisanku ani...bukan niatku kan memburuk-burukkan kita tapi aku atu saja kan meluahkan rasa inda puas hatiku ani bah...kami kenal kita tapi kita inda kenal...padahal memang kita yang pernah kami kenal dulu atu...memang kita...maybe kita lupa kali...salah kami jua sebabnya dulu atu kami memang lain penampilan kami...rock sikit orangnya...kira rocker ler....inda lagi batudung tu...tapi karang ani...udah beumur sikit ani(beumur ke?)kami kontrol-kontrol jua udah...batudung udah....hehe...maklum kan jadi perempuan melayu terakhir!!! hehe...perasan!.

One thing yang kan ku bagitau di sini...our kawan yang pernah bekaraja sama kami di kilang dulu...kedia ani my sis's best friend pulang...tapi sama-sama kami keraja dulu...di kilang jua...masa ani sudah jadi guru di sekolah ugama...liat tia kesungguhannya mencari keraja memang kami tabik spring!. Inda jua kedia memilih keraja...w.pun ada o'level tapi masih jua mau keraja kilang...macam kami-kami jua...now...berkat kesabarannya...dapat pulang kedia keraja yang bisai...jadi guru agama...kahwin pun sudah masa ani...so...buat apa malu bekaraja sama bangsa-bangsa asing? pasal apa? durang inda ada pendidikian? taraf kehidupan yang inda setaraf dengan ketani?. No no...jangan sesekali berkata macam atu!. Inda lurus tu....ubah tia prepsepsi(lurus kah jua spelling prepsepsiku atu) ketani atu...ketani semua di dunia ani sama saja...di dalam tanah nanti sama tah tarap ketani tu...banar kan?.

Okeylah...melarat tia pulang...bah...jumpa lagi nanti ah...kan ZZZzzzzzz ku dulu....