Salam...hye! batah-batah ani inda kan tejangkau laptop lagi...lambat sikit kan update my blog...tapi inda apalah asalkan ada cerita menarik akan ku kongsikan jua di sini tapi lambatlah sikit tu...hehe..to my sis, bro & cousins, minta maaflah pasal inda dapat belanja kamu-kamu semua maklumlah time ani tumpukan perhatian arah my bro's wedding dulu...Insya-Allah, kalau ada rezeki yang labih lagi lain kali ku belanja...well terima saja tah coklat2 yang ku bagi atu k...inda seberapa tapi syukur tah rezeki jua namanya tu kan..hehe..Aku ani kalau kaya hantap bah..awu memang inda ku lupakan kamu-kamu semua...doakan saja ku success dalam apa jua bidang yang ku ceburi.
Okay...mengenai topic yang di atas atu..hemmm...aku & my sis yang dapat tempat ke 3 dalam peraduan menulis sajak balum batah ani memang sepakat kan membawa mama & adi beradi yang tinggal serumah dangan kami makan di Z'yan restaurant yang berlokasi di Mangrove Paradise Resort. Jadinya mengambil berkat hari raya korban tahun ani, so kami pun menyampaikan hajat kami makan di sana...hajat kami memang kan makan katam!!!!. Fuhh!!! batah jua sudah inda makan katam ani...kan membali ke pasar atu membagi malas...lagipun kami jarang jua kan ke pasar Gadong atu...kami membali lauk di kg kapok saja...sana lauknya fresh dari kapal...tapi inda ada katam sama udang...kalau udang inda payah pasal selalu saja ada orang bajual ke rumah-rumah...iatah jarang kan ke pasar Gadong...ganya kan membali katam...malas tah jua.... jadinya daripada ada rezeki atu jua...baiktah membawa family makan katam di restaurant pulang...wah!!! kamah jua tangan makan katam...kan pakai sudu & grafu, waduh waduh...sampai malam pakah...kehkeh...tapi inda apalah yang penting sampai menjilat jari...lagipun kan membawa liur mama jua...mama yang banarnya mengidam kan makan katam...kami sampaikan tah jua ketaisliurannya atu...indung kali ah...dulur saja tia.
Batah 12 tahun tinggal di darat ani jarang jua makan katam...tapi kalau dulu masa tinggal di atas air kan tiap-tiap hari bah makan katam..langu pulang kadangnya...apa inda kalau kan makan katam..membintur saja di sungai hampir rumah...my bro tu yang ingin banar membintur, kadang-kadang melukan & menakuyung...iatah sudah ada resort di Sg. Belukut ani rasa terdorong jua kan ke sana...inda menginap makan di sana pun jadilah...apa-apapun...liat saja tah gambar-gambar yang sampat ku ambil time atu...lain kali tah saja menginap sana...bukan inda pernah merasa tinggal di atas air tapi ganya kan mengimbas kenangan lampau...kalau kan tau ngam-ngam di sebarang resort atu tah tampat aku & family tinggal dulu...ada tapak kosong sebalah rumah rakit atu tah tapak rumah kami dulu and sebuah lagi tapak rumah abangku yang tua jua bersebalahan rumah kami...yang tinggal beberapa buah rumah atu rumah-rumah my cousins & auntie balah mulah bapaku...semua sudah kosong rumah durang atu pasal durang kana bagi rumah di perpindahan Sg. Bunga sebalahnya atu.
Iatah masa kami makan di resort atu...pandangan kami memang tajam arah kampung halaman kami dulu-dulu atu...kalau kan diingat memorinya memang membari rawan hati...maklumlah time dulu-dulu umurku masih di bawah 10 tahun iatah zaman kanak-kanak atu memang siuk banar...mandi terajun dari pantaran sama my adi beradi...jalan-jalan di tambing kalau air tuhur sambil memutik mainan yang kana buang...memang dari kampung sebarang-sebarang atu...kalau siuk lagi naik bukit main pasir-pasir...membuat istana pasir tah apa...rumah samut tah apa...main tinting and macam-macam lagi permainan kami di atas bukit atu...kalau kan tau...ada padang bermain bola tu dulu di atas bukit atu...durang bro and cousins selalu memain bola sana and kadang-kadang main bola raga apa..ada kabun buah-buahan mulah bapaku and adi beradinya punya...memang siuk tinggal di sana dulu atu...time kanak-kanak lagi..memang enjoy banar.
Masa ani...semua atu jadi kenangan tah saja..and masa kami di resort atu time menunggu order siap sampat jua snap beberapa sudut yang menarik agar kenangan hari atu akan tetap di dalam ingatan...walaupun bilnya sampai jua $80.00 tapi inda apalah asalkan dapat makan katam, meliat kampung halaman even meliat dari jauh saja and dapat meraikan kemenangan aku and my sis time hari raya Aidil Adha ani. Anilah peluang kami untuk mengorbankan masa kami selama hampir beberapa jam untuk makan bersama-sama satu family...kami jarang kan makan sama-sama ani...makan kami makan seorang-seorang...siapa lapar baru makan...ani syukur tah dapat makan satu family tapi kalau my sis and bro yang inda tinggal sama kami atu dapat makan sama-sama kami time atu memang best kali...ramai-ramai...tapi inda apalah lain kali saja tah...ani malas kan mengacau my sis yang sibuk membaca saja pasal time durang exam ni di UBD...lain kali saja my sis ah!.
KENANGAN DI MANGROVE PARADISE RESORT
Camera model : Nokia N78 & Canon Power Shot A650 ISTarikh: 28hb Nov 09
Jam: 11 am
Venue: Z'yan Restaurant, Mangrove Paradise Resort
Selamat Datang!
Lihatlah dunia....!
Lawa sudah tu sis!
Tinggal sebulan lagi bujang..di mana kan honey moon bro?
Jangan liat orangnya...liat saja back groundnya yang lawa ah
Iski banar durang 2 ani
Mama yang sentiasa control ayu
Ehh sis! relax jua mengambar atu..
Anak buahku seorang ani inda kan mau makan bah..menangis kan meliat aing di bawah atu..tapaksa tah didulur...makan baedar nunggu kedia menikmati keindahan di resort atu
Merenung ke kampung halaman...
Memandang ke masa silam...mama yang sedang merenung ke kampung halaman
Buffet yang telah ditempah
Kg Perp Sg Bunga
Tinggal kenangan, kampung halaman yang tidak akan pernah dilupakan
Antara meja yang sudah ditempah
Berjalan menuju ke Z'yan Restaurant
Zaman kanak-kanak dulu. dibakau macam ani tah tempat kami mencari takuyong sama lukan
KAMPUNG HALAMANKU
(24 tahun sudah ditinggalkan)
Rawanku meliat tampat kami dulu mandi manda...terajun macam orang handal...dulu inda ada dang ayang...tapi mun karang ani mandi tah terajun macam dulu-dulu atu...awu...jangan salahkan aku...hehe
Yang kubulati atu tah tapak rumah kami dulu...sebalah lagi atu tapak rumah my bro yang tua sekali...kami dulu yang mula-mula pindah tu baru tah my bro and then durang cousin-cousinku..durang baru jua 2 ke 3 tahun meninggalkan rumah-rumah durang atu...sebab atu tah masih kekal lagi rumah durang...tapi kami sama my bro batah sudah bebelas tahun sudah...sebab atutah rumah terpaksa di roboh.
Yang ku bagi arrow atu tah tempat di mana mulah bapaku disemadikan...tanah perkuburan Kg. Pudak..tiap-tiap tahun kami menziarahinya di sana...pakai tambang pulang tu.MENU YANG KAMI ORDER
BIL $80.40
Baby Kailan masakkannya inda ku ingat - $6.00 (s)
Udang masak sweet sour - $9.00 (s)
Butter Chicken - $7.00 (s)
Rendang Beef - $7.00 (s)
Ketam masak chilli - $30.00 (1 1/2 kilo / 8 ekor)
Lasap....
Awu, makan katam eh..
Ani, time nunggu katam ni...Okay...atu tah saja dulu...syukur tah aku dapat melaksanakan hajatku membawa durang family makan katam di resort atu...nyaman katamnya batalur...hehe...agatah kamu mencuba ga..untuk sekali sekala saja..jangan malar eh...atu abis duit tu..$30.00 atu mun membali katam matah dapat 6 kilo tu...awu, kanyang makan...bah, nanti-nanti lagi ku update kalau ada cerita terbaru...mata pun kalat sudah...kan tidur and sampai jumpa lagi...da..
